رابطہ عالم اسلامی مذہبی اقلیتوں کے حقوق کے تحفظ کے لیے اپنی عالمی کوششیں جاری رکھے ہوئے ہے، اور اس امر کی اہمیت اجاگر کرتی ہے کہ مذہبی تنوع رکھنے والے معاشروں میں اقلیتوں کو اپنے حقوق اور ذمہ داریوں کے بارے میں آگاہی دی جائے

رابطہ عالم اسلامی مذہبی اقلیتوں کے حقوق کے تحفظ کے لیے اپنی عالمی کوششیں جاری رکھے ہوئے ہے، اور اس امر کی اہمیت اجاگر کرتی ہے کہ مذہبی تنوع رکھنے والے معاشروں میں اقلیتوں کو اپنے حقوق اور ذمہ داریوں کے بارے میں آگاہی دی جائے۔ اس میں مسلم اقلیتیں بھی شامل ہیں، تاکہ ان کے دینی شعور کو فروغ ملے اور وہ اپنے معاشروں کے ساتھ مثبت انداز میں تعامل کی زیادہ بہتر صلاحیت حاصل کر سکیں۔ یہ کاوشیں رابطہ کے ان مذہبی رہنماؤں کے ساتھ تعاون سے جاری ہیں جو معتدل اسلامی منہج کے حامل ہیں اور اپنے اپنے ممالک میں باضابطہ طور پر تسلیم شدہ ہیں۔

اسی تناظر میں رابطہ عالم اسلامی نے متعدد معاہدوں، مفاہمتی یادداشتوں اور تعاون کے معاہدوں پر دستخط کیے ہیں، جن کی بعض شقوں میں ”میثاق مکہ مکرمہ “سے متعلق تربیتی پروگرام بھی شامل ہیں۔ اس میثاق پر مختلف اسلامی  مکاتب فکر  سے تعلق رکھنے والے 1200 سے زائد  علمائے کرام ومفتیانِ عظام نے دستخط کیے تھے اور اسے مکہ مکرمہ میں منعقدہ ایک جامع علمی اجتماع میں پیش کیا گیا تھا۔ اس میثاق نے متعدد معاصر مسائل اور چیلنجز کے حوالے سے دینی شعور اجاگر کرنے اور شرعی موقف کی بنیادوں کو مضبوط کرنے میں ایک منفرد اور نمایاں کردار ادا کیا ہے۔