رابطہ عالم اسلامی کی سعودی آئل ٹینکر ’’سدر‘‘، اردن، بحرین اور کویت پر ایرانی حملوں کی شدید مذمت
مکہ مکرمہ:
رابطہ عالم اسلامی نے آبنائے ہرمز سے گزرنے کے دوران سعودی آئل ٹینکر ’’سدر‘‘ کو ایران کی جانب سے نشانہ بنانے، نیز مملکتِ اردن ، مملکتِ بحرین اور ریاستِ کویت پر ایرانی حملوں کی شدید الفاظ میں مذمت کی ہے۔
رابطہ کے جنرل سیکرٹریٹ سے جاری بیان میں، سیکرٹری جنرل رابطہ اور چیئرمین مسلم علماء کونسل، عزت مآب شیخ ڈاکٹر محمد بن عبد الکریم العیسی نے ایک بار پھر ان ایرانی حملوں کی شدید مذمت کرتے ہوئے کہا کہ یہ جارحانہ کارروائیاں تمام دینی اقدار، بین الاقوامی قوانین اور انسانی روایات کی صریح خلاف ورزی ہیں۔ ڈاکٹر العیسی نے مملکتِ سعودی عرب، مملکتِ اردن ، مملکتِ بحرین اور ریاستِ کویت کے ساتھ مکمل یکجہتی کا اظہار کرتے ہوئے، اپنی سلامتی، خودمختاری اور قومی وسائل کے تحفظ کے لیے ان ممالک کی جانب سے کیے جانے والے تمام اقدامات کی بھرپور تائید کی۔
ڈاکٹر العیسی نے اس جارحانہ حملے کے نتیجے میں جہاز ’’سدر‘‘ کے عملے کے جاں بحق افراد پر مملکتِ سعودی عرب کی قیادت اور عوام، نیز مرحومین کے اہلِ خانہ سے دلی تعزیت اور ہمدردی کا اظہار کیا۔
