رابطہ عالم اسلامی کی مسجد اقصیٰ کے صحن میں اسرائیلی دراندازی کی شدید مذمت
مکہ مکرمہ: رابطہ عالم اسلامی نے اسرائیلی قابض حکام کے ایک عہدیدار اور انتہا پسند آبادکاروں کے ایک گروہ کی جانب سے اسرائیلی قابض فوج کی حفاظت میں مسجد اقصیٰ کے صحن میں داخل ہونے کی شدید الفاظ میں مذمت کی ہے۔
رابطہ کے جنرل سیکرٹریٹ سے جاری بیان میں، سیکرٹری جنرل رابطہ اور چیئرمین مسلم علماء کونسل، عزت مآب شیخ ڈاکٹر محمد بن عبد الکریم العیسی نے ان اشتعال انگیز اقدامات کی مذمت کی، جو دنیا بھر کے مسلمانوں کے جذبات کو بھڑکا رہے ہیں۔ انہوں نے مقبوضہ فلسطینی علاقوں میں قائم تاریخی وقانونی حیثیت اور متعلقہ بین الاقوامی وانسانی قوانین اور اقدار کی ان متواتر اسرائیلی خلاف ورزیوں کے فوری خاتمے کے لیے عالمی برادری پر اپنی اخلاقی اور قانونی ذمہ داریاں ادا کرنے کی ناگزیر ضرورت پر زور دیا۔
