رابطہ عالم اسلامی کی مملکت سعودی عرب کے خلاف حوثی حملوں کی سلامتی کونسل کی مذمت کا خیرمقدم
مکہ مکرمہ:
رابطہ عالم اسلامی نے جمعہ 7 اگست 2026 کو سلامتی کونسل کے ارکان کی جانب سے جاری کیے گئے بیان کا خیرمقدم کیا ہے، جس میں حوثی دہشت گرد ملیشیا کی جانب سے مملکتِ سعودی عرب اور تجارتی بحری جہازوں کے خلاف کیے گئے حملوں کی مذمت کی گئی ہے۔
رابطہ کے جنرل سیکرٹریٹ سے جاری بیان میں، سیکرٹری جنرل رابطہ اور چیئرمین مسلم علماء کونسل، عزت مآب شیخ ڈاکٹر محمد بن عبد الکریم العیسی نے سلامتی کونسل کے بیان میں بین الاقوامی قانون اور سلامتی کونسل کی متعلقہ قراردادوں، بالخصوص قرارداد 2216، کی پابندی، جمہوریہ یمن کی خودمختاری، وحدت، آزادی اور علاقائی سالمیت کے احترام، نیز علاقائی امن وسلامتی اور بحری نقل وحرکت کو خطرے میں ڈالنے والی کارروائیوں کو مسترد کرنے پر زور دیے جانے کو سراہا۔
ڈاکٹر العیسی نے رابطہ عالم اسلامی کے عالمی مجالس، اداروں اور تنظیموں، نیز اس کے زیرِ سایہ دنیا بھر کی مسلم اقوام کی جانب سے مملکتِ سعودی عرب کے ساتھ مکمل یکجہتی کا اعادہ کرتے ہوئے اس امر پر زور دیا کہ رابطہ ان تمام اقدامات کی بھرپور تائید کرتی ہے جو مملکت جارحیت پسندوں کو روکنے، اپنی سلامتی وخودمختاری اور شہریوں و اپنی سرزمین پر مقیم افراد کے تحفظ کے لیے اختیار کرے۔ آپ نے یمن کی قانونی حکومت کی کوششوں اور یمن اور اس کے عوام کے لیے امن واستحکام کے قیام کی تمام عالمی کوششوں کے لیے بھی مکمل یکجہتی اور حمایت کا اظہار کیا۔
