رابطہ عالم اسلامی، اسلامی ضروریات کے حامل علاقوں میں اپنی تعلیمی و تربیتی سرگرمیوں کا سلسلہ جاری رکھے ہوئے ہے، جو ہر ملک کی حکومت کے ساتھ براہِ راست اور باضابطہ رابطہ و تعاون کے تحت انجام دی جاتی ہیں
رابطہ عالم اسلامی، اسلامی ضروریات کے حامل علاقوں میں اپنی تعلیمی و تربیتی سرگرمیوں کا سلسلہ جاری رکھے ہوئے ہے، جو ہر ملک کی حکومت کے ساتھ براہِ راست اور باضابطہ رابطہ و تعاون کے تحت انجام دی جاتی ہیں۔ یہ سرگرمیاں اسلامی اقوام کے دینی مرجع کی حیثیت سے رابطہ کی عظیم ذمہ داریوں اور فرائض کا حصہ ہیں۔
اس سلسلے میں خصوصی توجہ ’’میثاق مکہ مکرمہ‘‘ کے مندرجات پر مرکوز کی جاتی ہے، جس پر مختلف اسلامی مکاتبِ فکر، اسلامی ممالک اور مسلم اقلیتی ممالک سے تعلق رکھنے والے بارہ سو سے زائد مفتیانِ کرام اور علمائے اسلام نے مکہ مکرمہ کی مقدس سرزمین پر، اپنے مشترکہ قبلے، خانہ کعبہ کے جوار میں دستخط کیے تھے۔ یہ وہ نمایاں ترین دستاویز ہے جسے اسلامی تعاون تنظیم کے رکن ممالک نے اپنے دینی، تعلیمی اور ثقافتی اداروں میں اس سے استفادہ کرنے کے لیے منظور کیا ہے۔
اس میثاق کو متعدد سرکاری اور غیر سرکاری بین الاقوامی فورمز پر بھی باضابطہ طور پر بھرپور پذیرائی حاصل ہوئی ہے۔ اسے ایک ایسی تہذیبی دستاویز قرار دیا گیا ہے جو علمائے اسلام کے اتفاقِ رائے سے اسلامی اقدار کی ترجمانی کرتی ہے، اور قرآن و سنت کی روشنی میں عصرِ حاضر کے اہم مسائل سے متعلق دو ارب مسلمانوں کی حقیقی فکر اور درست منہج کی نمائندگی کرتی ہے۔
