رابطہ عالم اسلامی کی جانب سے مملکت سعودی عرب کو نشانہ بنانے والے ایرانی حملوں کی شدید مذمت

مکہ مکرمہ:

رابطہ عالم اسلامی نے سخت ترین الفاظ میں اُن ایرانی حملوں کی مذمت کی ہے جنہوں نے مملکت سعودی عرب کے علاقہ ریاض اور مشرقی صوبے کو نشانہ بنایا۔

رابطہ کے جنرل سیکرٹریٹ سے جاری بیان میں، سیکرٹری جنرل رابطہ اور چیئرمین مسلم علماء کونسل، عزت مآب شیخ ڈاکٹر محمد بن عبد الکریم العیسی نے اس کھلی ایرانی جارحیت کو دینی اقدار، بین الاقوامی قوانین اور انسانی روایات کی صریح خلاف ورزی قرار دیا، بالخصوص ایسے وقت میں جب مملکت سعودی عرب نے ایران پر ہونے والے حملوں کے حوالے سے واضح اور دوٹوک مؤقف اختیار کیا تھا، اور ایرانی عوام اور پورے خطے کو خطرات سے محفوظ رکھنے کے لیے مخلصانہ اور مسلسل کوششیں کی تھیں۔

ڈاکٹر العیسی نے رابطہ کے عالمی اکیڈمیز ، ادارہ جات اور کونسلز کی جانب سے، اور اس کے زیرِ سایہ تمام اسلامی اقوام کی نمائندگی کرتے ہوئے، مملکت سعودی عرب کے ساتھ مکمل یکجہتی کا اعادہ کیا، اور کہا کہ رابطہ مملکت کی جانب سے اپنے امن، استحکام اور عوام کی سلامتی کے تحفظ کے لیے کیے جانے والے ہر اقدام کی مکمل حمایت کرتا ہے۔ انہوں نے دعا کی کہ اللہ تعالیٰ مملکت سعودی عرب کو اس کی سرزمین، قیادت اور عوام سمیت ہر قسم کے شر اور مصیبت سے محفوظ رکھے۔