رابطہ عالم اسلامی نے مملکت سعودی عرب کی قیادت اور عوام کو عالمی ادارۂ صحت کے ایگزیکٹو کونسل میں نائب صدر منتخب ہونے اور اقوامِ متحدہ کے اعلیٰ سطحی گروپ میں شمولیت پر دلی مبارکباد پیش کی ہے

مکہ مکرمہ:

رابطہ عالم اسلامی نے مملکت سعودی عرب کی قیادت اور عوام کو عالمی ادارۂ صحت کے ایگزیکٹو کونسل میں نائب صدر منتخب ہونے اور اقوامِ متحدہ کے اعلیٰ سطحی گروپ میں شمولیت پر دلی مبارکباد پیش کی ہے۔ یہ گروپ اقوامِ متحدہ کے 2030 کے پائیدار ترقیاتی ایجنڈے میں شراکت، ہم آہنگی اور صلاحیت سازی سے متعلق ہے۔

رابطہ کے جنرل سیکرٹریٹ سے جاری بیان میں، رابطہ کے سیکرٹری جنرل اور چیئرمین مسلم علماء کونسل، عزت مآب شیخ ڈاکٹر محمد بن عبد الکریم العیسی نے اس انتخاب کو مملکت سعودی عرب پر عالمی برادری کے بھرپور اعتماد کا مظہر قرار دیا۔ انہوں نے کہا کہ یہ کامیابی ان عالمی امور میں مملکت کے مؤثر کردار اور بین الاقوامی برادری میں اس کی فعال شراکت داری کا اعتراف ہے۔